شُکر گزاری کی طاقت — ایک سادہ یاد دہانی

بِسْمِ اللَّـهِ الرَّحْمَـٰنِ الرَّحِيمِ

اللہ کے نام سے شروع جو نہایت مہربان ہمیشہ رحم فرمانے والا ہے

ہر روز اللہ تعالیٰ ہمیں بے شمار نعمتیں عطا فرماتا ہے۔ ان میں سے بہت سی نعمتیں ہماری زندگی کا اتنا معمول بن جاتی ہیں کہ ہم ان پر توجہ دینا بھول جاتے ہیں۔ آج کچھ لمحے نکال کر ان نعمتوں پر غور کریں جو اللہ تعالیٰ نے آپ کو عطا فرمائی ہیں — آپ کی زندگی، خاندان، صحت، علم، مواقع اور بے شمار دوسری نعمتیں جنہیں گِنا نہیں جا سکتا۔ اللہ تعالیٰ فرماتے ہیں:

وَإِذْ تَأَذَّنَ رَبُّكُمْ لَئِن شَكَرْتُمْ لَأَزِيدَنَّكُمْ ۖ وَلَئِن كَفَرْتُمْ إِنَّ عَذَابِي لَشَدِيدٌ

اردو ترجمہ:

"اور جب تمہارے رب نے اعلان فرمایا کہ اگر تم شُکر کرو گے تو میں تمہیں ضرور زیادہ دوں گا، اور اگر ناشکری کرو گے تو بے شک میرا عذاب سخت ہے۔” ۔ القرآن، سورۃ ابراہیم، 14:7

ایک آسان عمل :

آج کا دن ختم ہونے سے پہلے چند لمحے رُکیں اور کہیں:

الحمد لله

الحمدللہ — تمام تعریفیں اور شُکر اللہ ہی کے لیے ہیں۔

شُکر گزاری صرف زُبان سے کہنے کا نام نہیں؛ یہ دل سے اللہ تعالیٰ کی نِعمَتوں کو پہچاننے اور اپنے اعمال کے ذریعے اس شُکر کا اظہار کرنے کا نام بھی ہے۔